Баячуудын тоогоор Хятад улс анх удаа АНУ-ыг гүйцэж түрүүлжээ

2019-10-22

Хятад улс баячуудынхаа тоогоор анх удаа АНУ-ыг гүйцэж түрүүлсэн тухай Credit Suisse банкны гаргасан судалгааны тайланд өгүүлжээ.

Швейцарын банкны жил тутам явуулдаг судалгааны энэ жилийн тайланд өгүүлснээр дэлхийн хүн амын хамгийн баян чинээлэг 10 хувьд 100 сая Хятад хүн багтсан бол АНУ-аас 99 сая хүн багтсан байна.

“Хэдийгээр хоёр орны хооронд худалдааны маргаан зөрчил сүүлийн 12 сарын турш үргэлжилж байгаа ч АНУ, Хятад улсууд тус бүр $3.8 их наяд, $1.9 их наядын баялаг шинээр бүтээж чаджээ” гэж тус банкны эдийн засаг, судалгаа хариуцсан захирал Наннет Хехлэр-Файд мэдэгджээ.

Дэлхийн хүн амын чинээлэг 10 хувьд багтах шалгуур нь хадгаламжиндаа доод тал нь $109,430- тай байх гэнэ.

Энэ үзүүлэлтээр Хятадууд АНУ-ыг гүйцсэн ч супер баячуудын тоогоор буюу саяар хэмжигдэх хөрөнгөтэй иргэдийн тоогоор Нэгдсэн Улс дэлхийд тэргүүлсэн хэвээр байна.

Өнгөрсөн онд АНУ-ын долларын саятнуудын тоо 675,000-аар нэмэгдэж, 18.6 сая хүрсэн нь дэлхийн нийт саятнуудын 40 орчим хувь болж байгаа ажээ.

Энэ нь насанд хүрсэн Америкчуудын 14 хүн тутмын нэг нь саятан гэсэн үг юм. Харин Хятадын хувьд өнгөрсөн онд 4.4 сая саятантай болсон нь 2018 оныхоос 158,000-аар нэмэгдсэн үзүүлэлт болжээ.

Дэлхийн нийт саятнуудын 10 хувийг Хятадууд эзэлж байна. Дэлхий даяар өнгөрсөн онд 1.1 сая хүн саятны эгнээнд дэвшиж, нийт тоо нь 46.8 сая болжээ.

Саятнуудын эзэмшиж буй хөрөнгийн нийлбэр хэмжээ нь $158.3 их наяд буюу дэлхийн нийт баялгийн 44 хувь болж байна.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!