АНУ-ын цэргийнхэн таны постыг “судална”

2019-05-27

АНУ-ын цэргийнхэн таны постыг “судална”

АНУ-ын цэргийнхэн олон нийтийн сүлжээнд дэлхийг хамарсан том хэмжээний судалгаа явуулахаар төлөвлөжээ. Тус улсын Батлан хамгаалах яам олон нийтийг хамарсан цахим сүлжээний мэдээлэлд судалгаа хийх оролдлогын хүрээнд “Facebook”, “Twitter” сайтын 350 тэрбум постыг “судалж” шинжлэхээр төлөвлөж байна. Үүний зорилго нь олонд түгсэн хөдөлгөөн хэрхэн хувирч өөрчлөгдөж буйг судлах зорилготой аж. Үүний тулд дэлхийн 100 гаруй орны хүмүүсийн 60 гаруй хэл дээр бичсэн пост, мессежийг судалж үзэх гэнэ. Төслийг Монтерей хот дахь Тэнгисийн цэргийн судалгааны сургууль удирдан явуулах аж. Судалгаанд хамрагдсан хүмүүсийн мессеж, сэтгэгдэл, байршил болон бусад мэдээлэлд дүн шинжилгээ хийх бөгөөд 2014 оны долдугаар сараас 2016 оны арванхоёрдугаар сарыг хамрах аж.

Олон нийтийн сүлжээ “Facebook” компанийн идэвхтэй хэрэглэгчдийн тоо өдөрт 1,2 тэрбумаар тоологддог бол “Twitter”-т сард 300 сая гаруй хэрэглэгч идэвхтэй жиргэдэг байна.

350 тэрбум хүний мессеж, постыг хэвлэж жагсаавал 10 мянган милл урт болох аж. Төслийн ахлах удирдагч Кэмбер Уоррений мэдээлснээр олон нийтийн сүлжээний мэдээллийг судалснаар хүмүүсийн харилцаа, хандлагыг ойлгохын зэрэгцээ цаг хугацааны явцад огтлолцлууд хэрхэн өөрчлөгдөж байгааг мэдэх гэнэ. Тэрбээр өмнө нь өргөн хүрээг хамарсан мэдээлэлд дүн шинжилгээ хийх замаар Африк тивийн дотоод зөрчлийг намжаахад радио, телевизийн мэдээллийн нөлөөг судалж байжээ. Үүний зэрэгцээ олон нийтийн сүлжээ нь хүчирхийллийг өдөөх нөхцөл болохыг ч судалсан аж. Түүнчлэн Вашингтонд төвтэй Олон улсын стратеги судалгааны төвийн технологийн бодлого хариуцсан дэд захирад Уиллиам Картерийн мэдэгдсэнээр олон нийтийн сүлжээний мэдээлэлд дүн шинжилгээ хийснээр ардчиллыг нураах зорилготой ухуулга, сурталчилгаанаас хамгаалах, барууны нийгмүүдийг дунд ангилал үүсгэхэд тусална гэж мэдэгдсэн байна.

Тухайлбал, АНУ-ын 2016 оны ерөнхийлөгчийн сонгуульд Орос улс хөндлөнгөөс оролцсон гэх хардлагын хүрээнд мөрдөн шалгах ажиллагааг явуулж буй. Улмаар сонгуульд хөндлөнгөөс оролцох явдалтай тэмцэх ажлын хүрээнд “Facebook” болон “Instagram” нийгмийн сүлжээн дэх 100 гаруй хуудас, хаягийг устгасан тухай “Facebook” компани мэдэгдэж байв. Түүнчлэн гадаад жүжигчний нэрээр үүсгэсэн хуурамч хаяг үүсгэсэн Оросын туршуулуудын мэдээллийг хоёр жилийн хугацаанд 126 сая америкчууд үзсэн байж болзошгүй хэмээн Facebook компаниас өмнө нь мэдээлсэн юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

“Монголчуудын 50 хувь нь илүүдэл жинтэй"
Энэ сарын 27-оос үндсэн хуулийн төслийн хоёр дахь хэлэлцүүлгийг хийнэ
Өнөөдрөөс хаагдах замууд
Завьт эргүүлийнхэн 4 иргэний амь насыг авран хамгааллаа
О.Дөлгөөнд тусалцгаая
Улаанбаатар хотын музейг сэргээн засварлахаар боллоо
9 сая төгрөгийн шагналын сантай Хөрсний бохирдлыг бууруулах шийдэл төсөл, бүтээлийн уралдаан зарлагдлаа
Тарваган тахал өвчний эсрэг вакцин хийнэ
Улаанбаатарын дайны хүн ам Монголд ядуу байна
Бакалаврын боловсрол эзэмшээгүй 21 иргэнийг МАГИСТР-аар төгсгөхөөр завджээ
Хар тамхи хилээр нэвтрүүлэх оролдлогын 69 хувьд нь илгээмж ашиглажээ
К-Попын шинэ гүнж
Канад улс анх удаа АНУ-аас илүү тооны цагаач хүлээн авчээ
Боолчуудын үр удамд нөхөн олговор өгөх асуудал ширүүн маргаан дэгдээв
Иран улс АНУ-ын армийн дроныг буудаж унагаснаа зарлав
Дэлхийн коксжих нүүрсний зах зээлийн 8 хувийг Монгол нийлүүлжээ
Соёлын өвөө хэрхэн хамгаалж, арчилдаг талаар БНСУ-ын мэргэжилтнүүд зөвлөж байна
Наадмаар худалдаа үйлчилгээ явуулах ААН, иргэдийн хүсэлтийг авч байна
Наргиж цэнгэж явахдаа нялх хүүхдээ битгий дагуулж яваачээ
Хүн амьдрахад тохиромжтой хоёр гараг шинээр нээжээ