Трамп Японы Эзэн хаантай уулзсан гадаадын анхны Төрийн тэргүүн болов

2019-05-27

Трамп Японы Эзэн хаантай уулзсан гадаадын анхны Төрийн тэргүүн болов

АНУ-ын Ерөнхийлөгч Дональд Трамп даваа гаригт Японы шинэ Эзэн хаан Нарухито, Харвард төгссөн хатан Масако нартай уулзав. Тэрбээр Рэйвагийн эрин буюу шинэ тооллын эхэнд Японы Эзэн хаантай уулзсан гадаадын анхны удирдагч болж, түүхэнд бичигдлээ. Трамп, Нарухито нарын уулзалтыг Японы үндэсний телевизээр шууд дамжуулан үзүүлсэн байна.

АНУ-ын Ерөнхийлөгч Трамп, тэргүүн хатагтай Меланья нар Японы Эзэн хааны ордонд зочлохын өмнө тус улсын Ерөнхий сайд Абэ Шинзо, гэргий Аки болон бусад хүмүүстэй уулзжээ.

Трамп, Нарухито нар гэргий нарын хамт улаан хивсэн дээр алхаж, хоёр улсын төрийн дуулал эгшиглэсэн байна. Трамп япон сурагчидтай гараа даллан мэндчилжээ. Уулзалтын дараа Японы Эзэн хаан хүндэт зочдоо хүндэтгэлийн зоогт урьсан бөгөөд АНУ-ын Ерөнхийлөгч тун таатай буйгаа илэрхийлсэн байна.

Трамп, Нарухито нар юуны талаар ярилцсан нь одоогоор тодорхойгүй байгаа аж.

Трампын дараагийн уулзалт Японы Акасака ордны Төрийн зочны өргөөнд болох бөгөөд Японы Улсын Ерөнхий сайд Абэ Шинзотой ордны ёслолд оролцон, зоог барьж, улмаар хамтарсан хэвлэлийн бага хурал хийх юм байна. Мөн Трамп Японы эзэн хааны хүндэтгэлийн арга хэмжээний хүндэт зочин байх ажээ.

Трамп, Абэ нар ням гаригт гэргий нарын хамт оройн зоог барих үеэр АНУ-ын Ерөнхийлөгч “АНУ-аа төлөөлөн Японд айлчилж буй нь миний хувьд нэр төрийн хэрэг юм” хэмээн хэлжээ.

Японы Ерөнхий сайд Абэ Шинзо, АНУ-ын Ерөнхийлөгч Дональд Трамп нар өнгөрсөн ням гаригт Токио хотоос зүүн зүгт орших Тиба мужийн “Mobara Country Club”-ын талбайд хамтдаа гольф тоглосон байна. Японы Гадаад хэргийн яамнаас мэдээлснээр, тэд Японы гольфчин, өдгөө 76 настай Ишао Аокиг хүндэт зочны хувиар урьжээ.

Абэ Шинзо “Өнөөдөр маш сайхан өдөр байна. Би Рэйвагийн эринд Япон, АНУ-ын холбоотны харилцааг улам бат бөх болгохыг хүсэж байна” хэмээн сэтгүүлчдэд ярьсан байна. Гольф тоглохынхоо өмнө Абэ, Трамп нар хамтдаа өглөөний цай уужээ.

Тэд гольфын хорхойтнууд бөгөөд тав дахь удаагаа хамт тоглосон нь энэ аж. Японы Ерөнхий сайд 2016 оны арваннэгдүгээр сарын 18-нд Нью-Йорк хотод Трамптай уулзах үеэрээ түүнд гольфын цохиур бэлэглэж, хариуд нь поло болон гольфын бусад хэрэгслүүд бэлгэнд авчээ.

Эх сурвалж: Reuters, Japan Today

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

775 сая төгрөгийн алтыг хил нэвтрүүлэхийг завджээ
Их шар хоолойн төгөл дэх булгийн эхийг хамгаалалтад авчээ
Зургаан настнуудын зугаатай агшин, хөгжилтэй үгнүүд
Залуу үе хар тамхины хар ангал руу унасаар байх уу?
Жүдогийн шигшээ багийн ахлах дасгалжуулагчаар Х.Болдбаатарыг томиллоо
Хөшигийн хөндийн нисэх буудлыг Улаанбаатартай холбосон тууш замын хөдөлгөөнийг нээлээ
Венецэд гадаа тамхи татахыг хориглож магадгүй
Төрийн албаны ерөнхий шалгалтын тов гарчээ
Дарханы замыг 11 дүгээр сард ашиглалтад оруулна гэж ард иргэдийг хуурах хэрэг юу байна
VW групп масс зах зээлд зориулсан анхны бүрэн цахилгаан автомашинаа танилцууллаа
Хойд Солонгос хоёр удаа пуужин харвалаа
Монгол улсын хүн ам өсдөггүй шалтгаан нь үр хөндөлт
Мун Жэ Ин Сөүлийн прокуроруудтай “дайн зарлав”
Баянзүрх дүүргийн хоёрдугаар хороонд 200 хүүхдийн шинэ цэцэрлэг нээгдлээ
10260 тонн шахмал түлш борлуулжээ
Их сургуулийн элсэлтийн эсээг хэрхэн бичих вэ?
АНУ, БНХАУ-ын худалдааны дайн бусад орныг хямралд орууллаа
Холимог тулааны аварга Д.Батсүмбэрэл өрсөлдөгчөө ялжээ
Явган хүний гарцуудыг цөөрүүлжээ
Вьетнам улсыг таниулах үзэсгэлэн худалдаа нээгдлээ